台語文字化(書寫)e問題

--我e看法kap意見--

「台語文字化」是今兒咱要(beh)重新建立台灣文化e過程中，非常重要e課題。

在(ti)欣賞台灣e文學作品，或者是台灣文學e作品，m知你敢曾(bat)有一種真奇怪e感覺否？就是彼(hit)種＜翻譯＞過程，一直不斷在腦海中反絞(ping-ka)。會曉日文e老一輩，他們(in)e母語，雖然是台灣話，但是所看kah所寫e，攏總是日文；更加重要e，應該是連＜思考方式＞，a就是講頭腦運作e方式，完全是日文；不過(m-ku)，在te生活中e日常會話，卻是真自然就會轉作完全用台語。

到(kao)了中華民國統治時代，情形也(ma)完全相同(sio-kang)，只是台灣人e腦海中，所運用kah所放(kheng)e物件，變成中國話爾爾(nia-nia)。頂面兩種情形各佔一半，總a共a給它(ka-i)加起來，tu好100年加一率兒(it-sut-a)。

但是， 這百外年e歷史，與(ho)我e感受，就像李登輝先生所講e彼(hit)一般，a就是＜悲哀＞兩字。我學過日語，會曉中文，今年40外歲，日語並m是＜國語＞，不過(m-ku)中文卻是變成＜國語＞。a上界悲哀e是，我今兒(chim-a)又擱kan若咱台灣e老一輩同款(kang-khon)，擱在重複彼種＜翻譯＞e情形。日常會話當中，台語真自然在在(ti-te)使用，不過(m-ku)所寫所看e物件，不管(m-koan)是雜誌，a是文學作品，攏不是台語。連在看在寫e時陣，腦海中所運作e也(ma)不是台語。每一擺攏是＜翻譯＞過來，＜翻譯＞過去了後，才有法度變成家己e物件來消化，甚至在消化了才解說與(ho)人聽。

在這e過程中，咱台灣人，經過100年e＜訓練＞，應該是真＜習慣＞。但是，若想較(khah)遠較深一點a，這是一種真浪費時間kap精神e。所以與我感覺真＜悲哀＞。為怎樣，無想要(beh)要去改掉這種浪費時間e＜歹(bai)＞習慣呢？

這就是＜文字化＞上界嚴肅e問題。而且，在時間上，並不是講，馬上做就有法度馬上完成e課題。我認為無的確要100年。有e人聽到100年，就強要(kiong-beh)昏倒，擱要(ai)這兒呢(chia-ni) a 久，a敢無較緊e方法？若遇(tu)著人按呢問，我攏會回答講，a無，你認為多久完成較適合？

我認為若要(beh)徹底解決這e問題，上界根本而且擱會當在短期間內完成e上界好e

辦法是由(ui)政治改革開始。因為，咱e母語，在將近100年中間，就是與(ho)

外來政治政權e糟蹋kap囤踏(thun-ta)，咱e語言才會淪落到(kao)今兒這款e模樣。a就是講，在這100年中間，咱台灣在＜政治＞受外人控制e環境中，失去了自我發展e時機，才會到今兒，連＜文字化＞這款基本的大事(tai-chi)都(to)還未(ya-be)完成。所以，若是要(beh)緊，我認為只有由＜政治＞開始，才有法度在短期間內，達到咱e台語＜完全＞文字化的境界。

不(m)過，今兒咱台灣是一個完全民主化e國家，未當像較(khha)早外來統治者同

款，猶原用彼(hit)種垃圾兼tai-ge的強逼e手段，來推行咱e台語。所以有可能要(ai)50年，甚至100年。50年100年看起來，kan若真久，但是在重新建立文化這種事業來講，時間是必要e，絕對無可能在短期間內馬上完成，我相信你咱攏會當同意這款e看法吧！

若an呢，在現時陣，敢有什麼好擱緊要(ai)去做e辦法？下面就是我e意見kah辦法，是不(m)是好辦法，緊去打拼做就會知影。所以就在這兒，拜託各位先進，請共同逗陣作伙來打拼看mai lei。

第一，在在(ti-te)推行台語文字化e過程中，請大家不要(mai)一直堅持家己e意見，認為別人e不好(m-ho)，-kan-a家己e上好。像講有人堅持教會羅馬白話字，也(ma)有人講＜漢羅並用＞較好，a擱有人堅持＜全文漢字＞。我看是各有理由，攏總不歹(be-bai)，在還未有真正固定e方式之前(chin-ching)，請大家繼續堅持家己e，不過上重要e是，絕對be-sai攻擊別人。標音e問題也(ma)是相同(kang)，請大家盡量努力推行家己e堅持，但是千萬不要(mai)去否認別人e成果。在未完全有共識之前，個人自由運用漢字kap音標，其他就與(ho)時間來自然淘汰 彼種(hia)e＜不好＞kap＜不適合＞的，時間若到，自然就會有共識出現。

第二，為著適應現代世界情勢，配合電腦e運用，千萬不要(mai)擱一直製造新字。我認為Taiwanese Big5碼e漢字，已經是有夠用，若一直造新字，可能會變成未來e負擔。這種情形，對日本kah韓國e漢字使用情形，就會當看到真清楚了。韓國應該真少家己造漢字，日本雖然有真濟，但是大部份攏是非＜常用漢字＞。

第三，有能力寫作e人，不管是小說、散文a是書信，攏總盡量給它(ka-i)發表出來。按呢，才有＜文字化＞e成果，也(ma)才會當有＜文字化＞e語言資料。大家若會當按呢做，咱台語要推廣a是要發展落去，就無什麼問題。資料e累積，時間e累積，最後就是成果e收成，雖然這個收成，可能需要50年，a是100年，不過，現此時你咱若無打拼，後代e子孫，就無好e成果通好收成，你講，是不是？

以上是我e感想kap想法意見，希望咱台語e文字化，會當較緊達成，與咱e後代子孫，免擱為著這兒e問題在煩惱。而且希望你咱e子孫攏會當快快樂樂，有信心來講家己e所想要(beh)講，想家己所想，a擱會當用家己e台語，寫出家己e文章、創作家己e文學作品。若按呢，50年100年e時間，其實並無算界長，也(ma)無浪費。其實，文化事業照理講，是需要時間來培養e。無論是重建a是建立新e台灣文化、台語文化，除了時間以外，也(ma)擱較需要你kah我來逗陣打拼，你講對否？！