咱台灣人今儿在(te)講什麼款話呢？台灣話又擱是什麼款e話呢？
	
　　我認為這是要(ai)看講話e人是屬於哪(to)一個族群，才會用得講他是在
講什麼款e話才對。比如講，本來是講閩南語e人，今儿攏ma講家己在講e話
，叫做<台語>或者<台灣話>。a客家族e人，家己講家己e母語叫做<客話>或
者是<客家話>。a若是1949年以後，才來台灣e，差不多攏是講<北京話>。
雖然他們(in)也(ma)有一寡人是講中國其他e方言，但是，大部分攏是以北京
話為主，所以在(ti)這儿，我攏總給(ka)他們(in)暫時當做他們講e攏是<北京話>。
	
　　另外，在咱台灣ia擱有原住民。<原住民>其實是真濟族群所合起來e一
個方便稱呼而已。在語言上，照理應該是要給(ka)他們分清楚才對。但是，
到目前為止，可能每一族e語言，使用e人數，並沒真濟，所以在以漢人為
主e社會中，一般攏將他們所講e話，攏給它叫做<原住民話>。

　　所以講，<台灣話>是什麼？彼(he)當然就是，要包含著今儿咱台灣所有
e語言才對。

　　不過(m ku)有人講，咱台灣土地這ni小，a語言又擱這ni濟，是不是會引
起真濟社會問題？是不是會變成各族群之間e逗陣作伙e一個障礙呢？

　　這我認為，應該是未才對(tio)。而且看問題會用得對(dui)別e角度來看。
a就是講，要將今儿咱台灣多語言e現象，看作是一個真難得e國家kah社會e
資源才對。m通像kah早，將這(che)這ni好(chia ni ho)資源，給(ka)它當做是
社會族群之間，互相鬥爭e工具，應該給它當做，大家逗陣作伙生活e習慣
就好。因為各族群攏ma有他們e特色，甚至是文化上e、習慣上e一寡不同(kang)
款。就以穿衣kah吃食來講，敢m是已經會用得看出這種人e世間、人e社會e
一種真好e活力呢？擱再講，在世界各國，有兩款語言或者兩款以上e文化e
國家，ma是真濟。a咱台灣du好有這種e環境，你講，這敢m是這好呢？a全
世界e國家中間，國民會曉兩個或者是兩種語言以上e人，會用得講是濟到塞
倒街呢！所以咱e多語言現象，其實是無什麼通好稀奇e。

　　另外一方面，在今儿民主開放e社會，我認為，每一個人攏ma有家己e
自由，就是有選擇家己要講什麼款話e自由。換一句話講，就是無論什麼款
人，to無權力來限制別人，叫別人一定要講什麼款話。

　　不過(m ku)，在這種多語言e情形下，上界重要e是是什麼呢？要按怎才
未發生各族群之間e語言衝突呢？那(he)用你我互相e尊重，才會用得來避免
。絕對未駛(be sai)講，用家己e多數去壓制其他e少數。a就是講，若在團體
中，應該要尊重彼儿(hia)e少數才對。反倒轉來，少數e人也要尊重大多數e
人。a就是講，未駛干儿(gan na)要求別人對家己e尊重，也要對家己本身做
起，先去尊重別人才對。所以我認為，要解決多語言社會中，所可能引起e
族群衝突，唯一e方法，除了互相尊重以外，就是互相尊重kah你我e相讓。

　　什麼叫做<互相尊重>呢？beh按怎解決這個問題呢？我想解決e唯一e辦
法，就是對教育來作。就是講，對孩儿(gin a)時代，就要與大家去互相了解
、接受別人e存在，接受別人kah尊重別人e一切，當然包括母語在內。未駛
講，到大漢了後，只干那會曉自己e母語。若干那會曉家己e母語，是較歹和
(ham)別人溝通e。所以，為著你咱大家e溝通kah理解，一定要互相學習，語
言、文化、習慣等攏總要有理解kah尊重才會駛。按呢，才是與(ho)咱e社會
擱較進步、和諧，各較完滿、多元性以及更加多彩多姿一個上界好e做法。

　　咱美麗島嶼台灣有這ni濟種e語言，才表現出咱今儿e這ni儿多元e社會面
貌，這是咱e資源，咱要好好去利用，m通大損，要更加珍惜才對。

　　以上是我本人e一些儿感想爾爾(nia nia)。而且多彩多姿、多元性、多文
化e社會，會用得講是真難得e。所以，我希望咱大家m通給(ka)它當做是歹e
現象，應該給它當做是咱e資源，來好好利用才對。這款e社會現象是我所希
望e。向望大家會當真正去體會咱e社會e真多好e一面。尤其是，希望大家會
當透過這ni濟種e語言，來營造、創造出咱家己e美麗、多變化e浪漫文化kah
生活。